Հիմա մեծ հաճույքով եմ նայում աղջկաս ու զգում, որ նա միայն ինձ նման չէ, այլև՝ հորը. Նաիրա Մովսիսյան

Life.panorama.am-ը գրում է.

Life.panorama.am-ի՝ «Երբ է կինը երջանիկ» շարքի զրուցակիցն է դերասանուհի Նաիրա Մովսիսյանը:

 

Նաիրայի համար կնոջ երջանիկ լինելու զգացողությունը կախված է նրա անկախությունից:

 

«Կինը երջանիկ է, երբ ինչ-որ մի բանից, կամ ինչ-որ մեկից կախում չունի, երջանիկ է, երբ իրեն շրջապատող թանկ մարդիկ առողջ են: Կինը պետք է միայն երջանկությունից անքնություն ունենա, մնացած պարագաներում նա պետք է հանգիստ քնի»,- նշեց Նաիրան՝ ընդգծելով՝ երջանկությունը շատ հեշտ բան է.

 

«Երջանիկ լինելը շատ հեշտ է, եթե կարողանում ես ունեցածդ գնահատես: Շատերը սրտնեղում են, որ իրենց կենցաղային հոգսերն իրենք են հոգում, բայց դա դժբախտություն չէ: Կոնկրետ ես ինձ հիմա լիարժեք երջանիկ եմ համարում»,- նշեց նա:

 

Նաիրան ընդգծեց՝ անձնական կյանքը երջանկության համար շատ կարեւոր է, բայց, եթե կողքիդ տղամարդ չկա, ուրեմն դա չի նշանակում, որ դժբախտ ես:

 

«Տղամարդը լրացնում է կնոջը, կինն էլ՝ տղամարդուն, բայց չի նշանակում, որ եթե երկուսից մեկը բացակայում է, ուրեմն մարդը դժբախտ է: Երջանիկ կարող ես լինել բնությունով, երեխայով, եւ թեկուզ միայն նրա համար, որ դու ողջ ես, տեսնում ու քայլում ես»,- նկատեց դերասանուհին:

 

Կնոջ եւ տղամարդու սիրո եւ հարաբերությունների մասին խոսելիս՝ Նաիրան նշեց.

«Կնոջ ու տղամարդու սերը վեհ բան է, դրանից ծնվում է երեխա, ինչը կյանքի իմաստներից մեկն է: Սերն ամենակարեւորն է, բայց ցավով պետք է նշեմ, որ շատերը մահանում են՝ այդպես էլ չհասկանալով ու չզգալով իրական սերը: Սիրո մասին պատկերացումն ունենալը եւ սիրելը տարբեր բաներ են: Ես զգացել եմ այն իմ առաջին սիրո ժամանակ, երբ ես ընդամենը 15-16 տարեկան էի, բայց ինչպես ասում են՝ առաջին սերը միշտ կուտ է գնում: Հիմա ներքին մի բան ինձ հուշում է, որ ես դեռ ապրելու եմ այն խելառ սերը, որն ամենաիրականը կլինի»:

Նաիրան շեշտեց, երբ բաժանվում ես սիրելիցդ, պետք չէ հետո նրան ուրիշի մեջ փնտրել, պետք է կարողանաս ամեն մարդու ընդունել այնպիսին, ինչպիսին, որ նա կա: Դրան զուգահեռ, պետք է այնքան իմաստուն լինել, որ հանկարծ բաց չթողես կյանքիդ իրական սերը, ինչը, ըստ դերասանուհու, հաճախ է պատահում. Հետ ես նայում ու հասկանում՝ չես էլ նկատել, որ իրական սերն ես ապրել ու բաց թողել:

Ամբողջական հոդվածը կարող եք կարդալ այստեղ։