Վասկեսը նշել է, թե որ դեպքում Ռեալը կկարողանա հաղթահարել Յուվենտուսի արգելքը

Armsport.am-ը գրում է.

Մադրիդի «Ռեալի» կիսապաշտպան Լուկաս Վասկեսը կիսվել է Չեմպիոնների լիգայի 1/4 եզրափակչի խաղերից ունեցած սպասելիքներով, որում մադրիդցիները կմրցեն Թուրինի «Յուվենտուսի» հետ.

«Յուվենտուսը» լուրջ մրցակից է: Հեշտ չի լինի, բայց եթե մենք ամեն ինչ անենք այնպես, ինչպես պետք է, ապա կարող ենք դուրս գալ հաջորդ փուլ:

Հենց հիմա «Յուվեն» գլխավորում է Իտալիայի առաջնության մրցաշարային աղյուսակը, իսկ նրանց կազմում կան այնպիսի հիանալի խաղացողներ, ինչպիսիք են Բուֆոնն ու Իգուայինը»,- Վասկեսի խոսքերն է փոխանցում «Marca-ն:

Հիշեցնենք` թիմերի միջև առաջին հանդիպումը կկայանա ապրիլի 3-ին Թուրինում, իսկ պատասխան խաղը` ապրիլի 11-ին Մադրիդի «Սանտյագո Բեռնաբեու» մարզադաշտում: