Քնի հետ խնդիրներ հատկապես մեր ծանրաբեռնված ժամանակներում շատերն են ունենում: Բայց ավելի մեծ խնդիրն արթնանալն է: Շատերն ուղղակի չեն արթնանում, որքան էլ հնչում է զարթուցիչի ձայնը:
Հարկավոր է հասկանալ՝ քանի ժամվա քուն է պահանջում ձեր օրգանիզմը լիովին հանգստի համար: Բավականաչափ քնել անհրաժեշտ է ինչպես աշխատանքային, այնպես էլ հանգստի օրերին:
Փորձեք հստակեցնել քնելու ժամը, որպեսզի օրգանիզմը սովորի քնելու և արթնանալու ռիթմին: Նախընտրելի է ամեն օր զարթուցիչը միացնել նախորդ օրվանից մի քիչ ավելի շուտ և հստակեցնել արթնանալու ժամը: Ժամանակի ընթացքում նույնիսկ զարթուցիչի կարիք չի լինի:
Անկողինը պետք է հարմար լինի, հակառակ դեպքում անգամ 12-ժամյա քնից հետո կարող եք արթնանալ հոգնած: Քնելուց առաջ ալկոհոլ և սուրճ մի օգտագործեք:
Ճիշտ ընտրեք ձեր զարթուցիչը: Նրա զանգից անմիջապես պետք է վեր կենալ, մի քիչ քնելը ճիշտ չէ: Զարթուցիչի զանգից հետք կարճ քունը կրկին կնպաստի օրվա ընթացքում վատ ինքնազգացողությանը:
Եթե արթնացել եք զարթուցիչից առաջ, ապա կրկին միանգամից վեր կացեք:
Սենյակը պետք է լուսավոր լինի, որպեսզի արևի լույսը միանգամից ընկնի ներս: Կիսախավար միջավայրը թույլ չի տալիս արթնանալ: Արթնանալուց հետո նախընտրելի է թեթև ֆիզիկական վարժություններ կատարել, հավաքել անկողինը, աշխույժ երաժշտություն միացնել, որպեսզի օրգանիզմը ադապտացվի արթնանալուն:
Ցիտրուսային կամ անանուխի գելով լոգանքը կնպաստի օրվա ընթացքում ուժերին: Եթե լոգանք ընդունելու ցանկություն չկա, ապա ուղղակի սուր բույրերից հոտ քաշեք․ դրանք արթնացնում են ուղեղը:
Արթնանալուց հետո որևէ հեղուկ խմեք, դա ևս նպաստում է օրգանիզմի աշխատանքի ընթացքին: