Բոլորս գիտենք, որ կան բժիշկներ, բայց նրանց մասնագիտացված ուղղություններից բոլորը չեն տեղյակ: Ներկայացնում ենք բժիշկների գործունեությունը:
Թերապևտ։ Ավելի ճիշտ՝ նա մենեջեր է: Նա չգիտի՝ ձեզ ինչպես բուժի, բայց գիտի, թե ով կարող է դա անել:
Վիրաբույժ։ Նա մարդ է, ով կարող է սխալվել միայն մեկ անգամ, ընդ որում՝ ոչ թե իր կյանքում, այլ՝ ձեր:
Ատամնաբույժ։ Որպեսզի միանգամից չբռնվեն, նրանք երբեմն իրենց անվանում են դանտիստ: Բարեբախտաբար, նրանց մոտ այցելությունների քանակը սահմանափակվում է 32-ով:
Գինեկոլոգ։ Հետաքրքիր է, որ նրանց շրջանակներում տղամարդիկ կորցրել են տղամարդկային ցանկությունները: Իհարկե, եթե դուք էլ տարվա մեջ 61320 ժամ նայեիք կանանց թաքնված հատվածներին, դուք էլ կհոգնեիք ու կկորցնեիք հետաքրքրությունը: Չի կարելի հոբբին մասնագիտություն դարձնել:
Մանկաբարձ։ Բժշկության ամենահարգված մարդը, ով ապահովում է հետագայում բժիշկների աշխատանքը:
Վեներոլոգ։ Միակ բժիշկը, որի հետ հանդիպման ժամանակ մարդիկ քաղցր հիշողությունների գիրկն են ընկնում:
Նևրոլոգ։ Քանի որ բոլոր հիվանդությունները նյարդերից են, նա կբուժի ամեն ինչ՝ բացի սիֆիլիսից:
Ալերգոլոգ։ Մարդ, ով միշտ բոլորի մոտ փնտրում է ալերգիա և եթե պրոֆեսիոնալ է, ապա անպայման գտնում է:
Ռեանիմատոլոգ։ Նա թույլ չի տա՝ դուք ձեզ լավ զգաք այն աշխարհում, քանի դեռ ինքը մնացել է այս զզվելի աշխարհում:
Նարկոլոգ։ Այս նախանձ մարդիկ զրկում են մարդկանց կյանքի վերջին ուրախություններից:
Սեքսապաթոլոգ։ Աստված տա, երբեք չիմանաք նրա գոյության մասին:
Սեքսոլոգ։ Սա սեքսապաթոլոգի դրական տարբերակն է: Մեկն ասում է՝ ինչն է ձեզ մոտ վատ, մյուսը, թե ինչպես ավելի լավ դարձնել ամեն ինչ:
Տրավմատոլոգ։ Այս բժիշկները սիրում են սպորտի բոլոր ձևերը՝ բացի շախմատից:
Մանկաբույժ։ Դաժան մարդիկ են: Եթե մնացած բժիշկները մարդկանց գոնե զզվեցնում են հասուն տարիքում, ապա այս մարդիկ խլում են մանկության լավ օրերը: