Aysor.am-ը գրում է.
Ռուսաստանը չի կարող ունենալ ղարաբաղյան հակամարտության լուծման վերաբերյալ հստակ պլաններ, քանի որ խնդիրը կարող են լուծել միայն կողմերն իրենք, հայտարարել է Ռուսաստանի արտգործնախարար Սերգեյ Լավրովը՝ 2017 թվականի ռուսական դիվանագիտության արդյունքներով մամուլի ասուլիսի ժամանակ:
«Ռուսաստանը, Միացյալ Նահանգները և Ֆրանսիան՝ որպես ՄԽ ԵԱՀԿ երեք համանախագահները, անում է ամեն ինչ, որպեսզի ստեղծեն այնպիսի պայմաններ, որոնք կօգնեն կարգավորմանը: Մենք վերջին տարիների գործադրել ենք ինտենսիվ ջանքեր, որպեսզի ամփոփենք բոլոր կողմերի դիրքորոշումները, փորձել ենք իմի բերել նրանց միանման մոտեցումները տարբեր ճգնաժամի տեսանկյունների վերաբերյալ և, միևնույն ժամանակ փորձել ենք հուշել այն փոխզիջումները, որոնք կարող են հանգեցնել մի ընդհանուր հայտարարի՝ կողմերի այն հարցերում, որոնցում նրանք դեռև տարակարծիքի են», - ասել է Լավրովը:
Նրա խոսքով՝ համանախագահների բոլոր առաջարկները փոխանցվել են կողմերին, կողմերը գիտեն, որ համանախագահները մտածում են, բայց լուծում իրենք պետք է գտնեն:
Ամբողջական հոդվածը կարող եք կարդալ այստեղ։
