20 տարեկանում չենք մտածում, թե ինչ կոսմետիկ միջոցներ ենք օգտագործում, իսկ 30-ից հետո արդեն պետք է մտածենք, թե ինչպե՞ս պետք է դիմահարդարվել և ի՞նչ օգտագործել: Ահա մի քանի գաղտնիք ավելի երիտասարդ տեսք ունենալու համար:
1. Քիչ թարթչաներկ օգտագործեք
Ընդհանրապես աշխատեք այն քիչ օգտագործել: Հասուն տարիքում այն դեմքին ավելի ծեր տեսք կհաղորդի։ Առավել ևս կարիք չկա ստորին թարթիչները ներկելու:
2. Վարդագույն կարմրաներկ
Երիտասարդ ժամանակ այն գեղեցկություն, նրբություն է հաղորդում: Ավելի մեծ տարիքում ավելի լավ է նախապատվությունը տալ բնական գույներին:
3. Մի չարաշահեք փայլը
Հոնքերի տակ սպիտակ կամ կաթնագույն փայլն ավելի կընդգծի աչքերը, բայց ամբողջ աչքերը փայլ մի արեք․ այն կընդգծի կնճիռները:
4. Ճիշտ տոնայնություն
Աչքերի համար ներկ ընտրելիս հաշվի առեք ձեր աչքերի գույնը: Դժբախտաբար, միշտ չէ, որ մեր հավանած գույները համապատասխանում են մեզ:
Կապույտ աչքեր - բաց մոխրագույն, շագանակագույն, մանուշակագույն, նարնջագույն
Շագանակագույն աչքեր - կանաչ, սև, կապույտի երանգները և մանուշակագույնի երանգները
Կանաչ աչքեր - արծաթագույն, մոխրագույնի բոլոր երանգները, նարնջագույնի երանգները
Մոխրագույն աչքեր - ոսկեգույն, մոխրակապույտ, ծիրանագույն:
5. Թեթև տոնային քսուք
Դիմահարդարումը հիմնականում պետք է գալիս նկարահանման կամ էլ բեմում եղած ժամանակ, այդ իսկ պատճառով էլ փորձեք առօրյա դիմահարդարման ժամանակ օգտագործել թեթև տոնային քսուքներ:
