Armtimes.com-ը գրում է.
Հազարավոր քրդեր դուրս են եկել Փարիզի փողոցներ՝ բողոքելով Ֆրանսիայի իշխանությունների անկարողության դեմ, որոնք մինչ օրս 2013-iն 3 քուրդ ապստամբ կանանց սպանության համար որևէ մեկին չեն դատապարտել, գրում է AFP-ն:
Ցուցարարները վանկարկել են «Էրդողանը մարդասպան է»: Այդ ընթացքում Թուրքիայի նախագահը բանակցություններ էր վարում Ֆրանսիայի նախագահի հետ:
2013-ին Փարիզի կենտրոնում հայտնաբերվել էին երեք քուրդ ակտիվիստ կանանց դիերը՝ գլխի շրջանում բռնության հետքերով. նրանք 54-ամյա Սաքինե Ջանսըզը, 28-ամյա Ֆիդան Դողանը և 24-ամյա Լեյլա Սոյլեմեզն էին:
Թուրքական հետախուզությունը պաշտոնապես հերքել է սպանություններին որևէ առնչությունը, սակայն ֆրանսիացի քննիչները եզրակացրել են, որ թուրքական լրտեսները ներգրավված են գործին: Միակ կասկածյալ Օմեր Գունեյը դատավարությունից առաջ մահացել է բանտում:
Ֆրանսիայի հայ համայնքը նույնպես միացել է ցուցարարներին և դեմ է եղել Թուրքիայի նախագահի այցին՝ Էրդողանին անվանելով «բռնապետ»:
«Ռեջեփ Թայիփ Էրդողանը ցույց տվեց ֆրանսիացիներին իր իրական դեմքը, բռնապետ, որն իրեն այնպես է պահում, կարծես իր պալատում է՝ հակառակ եվրոպական չափանիշներին, որոնց նա հավակնում է», - նշված է Ֆրանսիայի հայկական կազմակերպությունների համակարգող խորհուրդի հայտարարության մեջ:
Ամբողջական հոդվածը կարող եք կարդալ այստեղ։
