«ՀՀ բարձրաստիճան պաշտոնատար անձանց էթիկայի հանձնաժողով ներկայացրած իր երկու՝ պաշտոնը ստանձնելու (ներկայացվել է 30.11.2016թ.) և տարեկան (ներկայացվել է 10.02.2017թ.) գույքի, եկամուտների և փոխկապակցված անձանց հայտարարագրերում Վանաձոր համայնքի ղեկավար Մամիկոն Ասլանյանը, որպես եկամուտ, հայտարարագրել է ձեռնարկատիրական գործունեությունից ստացած գումարը՝ 15 մլն. 450 հազար դրամ: Մենք Ասլանյանի մամուլի քարտուղար Դինարա Ախոյանին գրավոր հարցում էինք հղել՝ խնդրելով պարզաբանել, թե որն է Ասլանյանին պատկանող ձեռնարկությունը (անվանումը), և արդյոք ձեռնարկատիրական գործունեությամբ զբաղվելը չի հակասում ՏԻՄ օրենքի պահանջին, ըստ որի՝ «Համայնքի ղեկավարը չի կարող զբաղվել ձեռնարկատիրական գործունեությամբ, զբաղեցնել այլ պաշտոն պետական կամ տեղական ինքնակառավարման մարմիններում կամ առևտրային կազմակերպություններում, կատարել վճարովի այլ աշխատանք, բացի գիտական, մանկավարժական և ստեղծագործական աշխատանքից»:
Ախոյանի անունից մեզ ուղարկված պատասխանում ասվում է. «Մամիկոն Ասլանյանը մինչև 2016 թվականի սեպտեմբեր ամիսը եղել է ՀՀ արդարադատության նախարարության Լոռու մարզի «Վանաձոր» նոտարական տարածքի նոտար: Ըստ հարկային դասակարգման՝ նոտարական գործունեությունը համարվում է ձեռնարկատիրական գործունեություն: Ուստի համայնքի ղեկավարի ձեռնարկատիրական գործունեությունից հայտագրած գումարները գոյացել են նոտարական գործունեությունից ստացված եկամուտներից»: Նշենք, որ Ասլանյանը պաշտոնն ստանձնելիս հայտարարագրել է 1 հողամաս և 1 բնակարան՝ բազմաբնակարան բնակելի շենքում, TOYOTA LAND CRUISER 100 4.5 լ մարդատար ավտոմեքենա, 15,000,000.00 դրամական միջոց: Իսկ ահա, 2016 թվականի տարեկան հայտարարագրում Ասլանյանի դրամական միջոցները կազմել են 6,000,000.00, որոնք հարկային տարեվերջում շեշտակի աճել են՝ կազմելով 15,000,000.00 դրամ»,-գրում է թերթը:
Նյութն ամբողջությամբ կարդացեք թերթի այսօրվա համարում:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել