Ներկայացնում ենք Ջենեսիս Դավիլային՝ «Միսս Ֆլորիդային», ով 2016 թ. հուլիսին սկանդալի զոհ դարձավ: Նա պետք է իր նահանգը ներկայացներ «Միսս ԱՄՆ» մրցույթում, սակայն հաղթանակից մեկ շաբաթ անց նրանից թագը հետ վերցրին:
Դա տեղի ունեցավ լուսանկարի պատճառով, որը Ջենեսիսը հրապարակել էր իր ինսթագրամյան էջում: Դրանում երևում է թե պրոֆեսիոնալ դիմահարդարն ինչպես է իրեն դիմահարդարում գեղեցկության մրցույթից առաջ, իսկ լուսանկարը մեկնաբանել էր. «Մոգություն է անում»:
Տեղի գեղեցկության մրցույթի կանոնների համաձայն՝ աղջիկները պետք է իրենք դիմահարդարվեն: Այս ֆոնին սկանդալ բռնկվեց:
Մրցույթի պրոդյուսեր Գրանտ Գրավիթը հայտարարեց, որ այդ լուսանկարով աղջիկը մատնեց իրեն, իսկ կազմակերիչները չէին կարող այդ փաստն անուշադրության մատնել:
Հասկանալի է, որ մնացած աղջիկներն էլ էին օգտվել մասնագետների ծառայություններից, բայց այնքան խելացի են, որ այդպիսի լուսանկարներ չէին հրապարակել համացանցում:
Շոուի կազմակերպիչները բողոքներ էին ստանում հանդիսատեսից և մյուս մասնակիցներից: Դատավորները ստիպված եղան Ջենեսիսից հետ վերցնել թագը և այն տալ վիցե-միսս Լինեթ Դե լոս Սանտոսին, ով ծնունդով Դոմինիկյան Հանրապետությունից է:
Ջենեսիսի փաստաբանը համոզված է, որ կազմակերպիչների այս որոշումն անօրինական է, և որ թագը պետք է իր հաճախորդին պատկանի:
