Սաուդյան Արաբիայում երկար տարիների արգելքից հետո կինոթատրոններ կբացվեն

Life.panorama.am-ը գրում է.

Սաուդյան Արաբիան կրկին կբացի իր կինոթատրոններն առաջին անգամ՝ վերջին 35 տարիների ընթացքում։ Սա երիտասարդ արքայազնի հերթական որոշումն է, որն ուղղված է երկրում սոցիալական բարեփոխումներին։

 

Դեկտեմբերի 11-ին թագավորությունում ընդունվել է որոշում, որը հնարավորություն է տալիս կինոթատրոններին լիցենզիա ստանալ։ Կինոթատրոնները երկրում փակվել են 80-ականներին՝ երկրում պահպանողական ալիքի տարածման պատճառով։