Ամերիկացի գիտնականները հայտնել են ատամի խոզանակների լուրջ վնասների մասին: Մասաչուսեթսի համալսարանի մասնագետները կատարել են հետազոտություն և պարզել, որ ատամները մաքրելուց հետո ատամի խոզանակների վրա երկար ժամանակ մնում են տրիկլոզանի մոլեկուլներ, որոնք առկա են ատամի մածուկում: Հետազոտության արդյունքները հրապարակվել են Environmental Science & Technology ամսագրում:
Գիտնականները պարզել են, որ ատամների մեկանգամյա մաքրումից հետո տրիկլոզանի մոլեկուլները պահպանվում են 14 օր:
Այդպիսով՝ ատամի խոզանակից օգտվող մարդիկ ենթարկվում են անվերահսկելի չափաբաժնով տրիկլոզանի ազդեցության, ինչը կարող է վնասել առողջությանը:
Ավելի վաղ հետազոտողները պարզել են, որ տրիկլոզանը քայքայում է հորմոնները, ինչպես նաև օրգանիզմը կայունացնում հակաբիոտիկների նկատմամբ և նպաստում սուպերմանրէների առաջացմանը, որոնք հնարավոր չէ ոչնչացնել:
Առայժմ պարզ չէ՝ ինչպես է տրիկլոզանն ազդում մարդու առողջության և շրջակա միջավայրի վրա, բայց կան տվյալներ, որ դրանք, ընկնելով գետերի կամ լճերի մեջ, ձկների վրա մահացու ազդեցություն են ունենում: