Հոկտեմբերին Արմենիա TV-ի աշնանային եթերաշրջանում կմեկնարկի «Դոմինո» սիթքոմի 5-րդ եթերաշրջանը։ Սա նախագծի վերջին եթերաշրջանն է, այս անգամ հեռուստադիտողը եթերում կտեսնի երկու սիրված դերասանների՝ Հովհաննես Ազոյանին և Մերի Հակոբյանին:
Այս եթերաշրջանում չենք տեսնի դերասանուհի Թիմա Գավալյանին, ով մարմնավորում էր Գարիկի կնոջ մորաքրոջը. նրա կերպարային գիծն ավարտվել է:
«Միկան որոշում է ամուսնանալ, բայց հայտնվում է նրա ներքին ձայնը՝ Հովհաննես Ազոյանը և փորձում հետ պահել նրան այդ քայլից: Հովոյի կերպարը Միկան է հոգու խորքում»,- նշում է նախագծի սցենարիստ Սարգիս Կալպակյանը:
Դերասանուհի Մերի Հակոբյանն էլ խորամանկ, գեղեցիկ աղջկա կերպարում է, ով ծանոթանում է Գարիկի հետ և փորձում շորթել նրա գումարը: Իսկ թե ինչպես են զարգանալու իրադարձությունները, սցենարիստը չցանկացավ բացահայտումներ անել:
