Ինչ հարսանեկան զգեստներ ասես, որ չեն հորինում մոդելավորողները. նրբագույն ժապավեններով, դափնիներով և ուլունքներով կարված և նույնիսկ գործված: Սակայն այս հիասքանչ հանդերձանքը մի փոքրիկ գաղտնիք ունի:

Տաղանդավոր հրուշակագործ Էմմա Ջեյնը թխել է անհավանական հարսանեկան տորթ, ճիշտ, ինչպես հարսանեկան զգեստը: Նա ոգեշնչվել է մետաքսից և ատլասից պատրաստված իսկական հարսանեկան զգեստով, որի հեղինակն է Մակ Թումանգը, և ստեղծել է դրա քաղցրահամ կրկնօրինակը:

Ցավոք, զգեստը դարձել է թանգարանային նմուշ և չի հասցրել զարդարել որևէ մեկի հարսանիքը: Փոխարենը այն ապշեցրել է Լոնդոնում անցկացվող Cake International հրուշակագործների փառատոնի ժյուրիի անդամներին:

Հենց այդտեղ է տորթը տեսել իսկական զգեստի հեղինակ-մոդելավորողը: Մակը շատ է հավանել Էմմա Ջեյնի գլուխգործոցը, թեպետ նրա համար անսովոր է եղել համտեսել սեփական ստեղծագործության մի կտորը:

 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել