Ձեռքերի, պարանոցի, որովայնի և ազդրերի առաձգականությունը կորցրած, կախված մաշկը ոչ հազվագյուտ երևույթ են կանանց շրջանում 45 տարեկանից հետո:
Ներկայացնում ենք միջոց, որը պարբերական կիրառման դեպքում կարող է ձգել մաշկը և վերադարձնել դրա առաձգականությունը:
Կամֆորայի յուղը մաշկի և մազերի խնամքի տարածված և արդյունավետ միջոց է:
Այն օգտագործում են ակնեից, սպիներից ազատվելու, կնճիռները հարթեցնելու, մազերի աճն արագացնելու համար:
Հագեցած բաղադրության և բջիջները նորացնելու հատկության շնորհիվ այդ մթերքը հրաշալի արդյունք է տալիս մաշկը ձգելու գործում:
Կամֆորայի յուղ չի կարելի օգտագործել էպիլեպսիայով հիվանդներին և դեղամիջոցի նկատմամբ գերզգայնություն ունեցողներին:
Սուրճը լավ օգնական է նրանց համար, ում մաշկը կորցրել է առաձգականությունը և սկսել է ծերանալ:
Այն ակտիվացնում է փոխանակման գործընթացները, ամրացնում է, լավացնում է մաշկի էլաստիկությունը:
Կանխարգելում է մաշկի քաղցկեղը:
Կոսմետիկ կավը լինում է մի քանի տեսակի՝ բնորոշ հատկություններով՝ սպիտակ, կապույտ, կանաչ, վարդագույն, կարմիր, սև…
Արտահայտված ձգող ազդեցություն ունեն բոլորը, բայց ծավալների նվազման համար ամենահարմարները կապույտը և սևն են:
Բաղադրիչները՝
- 2 ճ/գ սուրճի մրուր
- 0,5-1 թ/գ կամֆորայի յուղ
- 2 ճ/գ կոսմետիկ կավ
Պատրաստումը և կիրառումը՝
Կավը ջրով բացիր փաթեթի վրայի հրահանգների համաձայն: Պետք է խիտ թթվասերի բաղադրության զանգված ստացվի:
Ավելացրու սուրճի մրուրը և կամֆորայի յուղը, խառնիր: Կամֆորայի քանակն անհատական է և կախված է մաշկի զգայնությունից: Ավելի լավ է սկսել 0,5 թեյի գդալից:
Խառնուրդը քսիր խնդրահարույց մասերին, մարմինդ փաթաթիր կերակրի թաղանթով, ինչ-որ կիպ բան հագիր ջերմային ազդեցությունն ապահովելու համար:
Փաթաթված թող 30-40 րոպե, հետո լվա տաք ջրով և սնուցող քսուք քսիր:
10 այդպիսի պրոցեդուրաների կուրսը (շաբաթական 2-3 անգամ) կօգնի զգալիորեն ձգել մաշկը:
