Տարբեր սպորտաձևերում չեմպիոններ դարձած իգական սեռի ներկայացուցիչների մեջ քիչ չեն հայկական անուն-ազգանունով կանայք: Ձեզ ենք ներկայացնում նրանցից տասին:
1. Ջուդի Ռեզիեբյան
Ամերիկայից սպորտսմենուհին, ով հայկական ծագում ունի, 1968 թ. Մեխիկոյում անցկացվող Օլիմպիադայի ժամանակ ոսկե մեդալ նվաճեց՝ սահմանելով հնգամարտի համաշխարհային նոր ռեկորդ:
2. Ռիտա Պողոսովա
Եվրոպայի չեմպիոն, ԽՍՀՄ ութակի չեմպիոն, առաջին կինը, ով մասնակցել է սեղանի թենիսի մրցումներին:
3. Վիկտորյա Մովսեսյան
Օլիմպիական չեմպիոն է հոկեյ սպորտաձևում, աշխարհի առաջնության երկակի արծաթե մեդալակիր է:
4. Սեդա Թութխալյան
Ռուսաստանի մարմնամարզուհի, 2016 թ. Օլիմպիադայի արծաթե մեդալակիր, երիտասարդական օլիմպիական խաղերի (2014 թ.) չեմպիոն, 2015 թ. Բաքվում տեղի ունեցած Եվրոպական խաղերի ժամանակ հաղթանակ է տարել:
5. Սելինա Գասպարին (Գասպարյան)
Շվեդիան ներկայացնող հայկական ծագում ունեցող բիաթլոնիստուհին 2014 թ. Օլիմպիական խաղերի անհատական մրցավազքում փոխչեմպիոն է դարձել:
6. Հռիփսիմե Խուրշուդյան
Հայ ծանրամարտուհի, 2007 թ. Եվրոպայի չեմպիոն, ՀՀ բազմակի չեմպիոն, 2012 թ. Օլիմպիական խաղերի բրոնզե մեդալակիր, 2009 թ. ԱՉ բրոնզե մեդալակիր:
7. Նազիկ Ավդալյան
Եվրոպայի երկակի չեմպիոն, ՀՀ վեցակի չեմպիոն, ծանր աթլետիկայի աշխարհի չեմպիոն:
8. Սյուզի Կենտիկյան
Գերմանիայում բնակվող բռնցքամարտուհի, որն ունի հայկական ծագում: Կենտիկյանը թեթևքաշային կարգում կանանց բռնցքամարտի չեմպիոնի տիտղոսի է արժանացել WBO, WIBF և WBA վարկածներով:
9. Գայանե Հարությունյան
Զբաղվում է սամբոյով և ձյուդոյով: ՌԴ ձյուդոյի չեմպիոնատներին է մասնակցել: 2004 թ.-ից ի վեր սամբոյի Եվրոպայի չեմպիոն է: Գայանեն Հայաստանի թիմի կազմում է հանդես գալիս 2010 թվականից սկսած:
10. Յանա Եգորյան
Ռուսաստանից սուսերամարտիկ, աշխարհի չեմպիոն, անհատական և թիմային կարգավիճակներով Օլիմպիական խաղերի երկակի չեմպիոն, ՌԴ երկակի չեմպիոն:
