Ներկայացնում ենք բացառիկ բաղադրատոմս: Այն օգտագործելով՝ ընդմիշտ կհրաժարվես թանկարժեք կոսմետիկ միջոցներից:
Եթերայուղերը՝ դեմքի համար
1. Սանդալի յուղ
Լավ ազդեցություն է ունենում մաշկի և մազերի վիճակի վրա, վերացնում է աչքերի տակի այտուցները, արդյունավետորեն պայքարում է ուգրիների, էկզեմայի և սնկի դեմ:
Սանդալի յուղը կարող է հարթել մանր կնճիռները, թարմացնել և երիտասարդացնել դեմքի մաշկը: Մաշկին տոնուս հաղորդելով՝ յուղն արդյունավետորեն ձգում է դեմքի եզրագծերը, վերականգնում է մաշկի առաձգականությունը:
2. Ժոժոբայի յուղ
Մաշկի գեղեցկության և առողջության իսկական աղբյուր է: Հարմար է բոլոր տեսակի մաշկերի համար, յուղոտ փայլ չի թողնում, հոտ չունի և հրաշալիորեն ներծծվում է՝ չխցանելով ծակոտիները:
Ժոժոբայի եթերայուղը բուժում է կորյակային ցանը և փոքր վնասվածքները, առանձնակի լավ է ազդում բորբոքված, չոր, թեփոտ, խամրած և թառամած մաշկի վրա:
3. Ալոե վերայի յուղ
Անփոխարինելի հիմք է սնուցող և խնամող միջոցների համար: Վերականգնող, հանգստացնող, խոնավեցնող և տոնուս հաղորդող հատկություններ ունի: Հրաշալիորեն պայքարում է կորյակային ցանի, այրվածքների, էկզեմայի դեմ:
Մաշկին քսելիս յուղն ակտիվացնում է կոլագենային և էլաստինային մանրաթելերի արտադրությունը: Ալոե վերայի յուղի պարբերական օգտագործումը նվազեցնում է կնճիռների խորությունը և զգալիորեն դանդաղեցնում է մաշկի ծերացումն ու մահացումը:
Այս յուղերի համադրությունը հրաշալի ազեցություն է ունենում: Իզուր չէ, որ եգիպտուհիներն այդքան սիրում են Կլեոպատրա թագուհու երիտասարդացնող դիմակը: Գաղտնիքն այս յուղերի օգտագործման հատուկ հաջորդականությունն է, որին հետևելով՝ կարելի է հեշտությամբ ցանկալի արդյունքի հասնել։
Կիրառումը՝
1. Դեմքիդ մաքուր, չոր մաշկին ոչ մեծ քանակությամբ սանդալի յուղ քսիր: Քսիր միայն Т-գոտուն՝ խուսափելով պարանոցի և կրծքի հատվածից:
2. 5 րոպե անց ժոժոբայի յուղը քսիր: Եվս 5 րոպե սպասիր:
3. Եզրափակիչ փուլը մաշկի խոնավեցումը և հանգստացումն է: Դրա համար ալոե վերայի եթերայուղ օգտագործիր: Երիտասարդացնող դիմակը պատրաստ է:
Թող այս դիմակի օգտագործումը լավ սովորություն դառնա, և արդեն մի քանի ամիս անց զգալի փոփոխություն կնկատես: Կնճիռները կվերանան, եզրագծերը կհարթվեն, մաշկը կփայլի և կթարմանա:
Հիշիր՝ այս կամ այն յուղի օգտագործումից առաջ անհրաժեշտ է թեստ կատարել մաշկի մաքուր մասում:
Դա կօգնի կանխել մաշկի անցանկալի ռեակցիաները:
