Ֆրանսիայի նախագահական ընտրությունների առաջին փուլում հաղթանակած «Առաջ» շարժման առաջնորդ, երկրի էկոնոմիկայի նախկին նախարար Էմանուել Մակրոնը Փարիզում այցելել է Կոմիտասի հուշարձան  և հարգանքի տուրք մատուցել Հայոց ցեղասպանության զոհերին: Այս մասին հաղորդում է Reuters գործակալությունը:

Հիշեցնենք, որ ավելի վաղ Մակրոնը հայտարարել էր, որ նախագահ ընտրվելու դեպքում մտադիր է շարունակել Հայոց ցեղասպանության հիշատակման ավանդույթը: Նա նաև նշել է, որ հարկավոր է շարունակել աշխատել Ցեղասպանության ժխտման քրեականացման ուղղությամբ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել