«ՀՀԿ-ՀՅԴ նոր կոալիցիայի շուրջ բանակցությունները շարունակվում են, և տեղեկություններ կան նախարարական պորտֆելների հնարավոր փոփոխությունների մասին։ Թեև ՀՅԴ-ն շատ ձայներ չի ստացել և խորհրդարան է անցել կոալիցիոն գործընկերոջ ակտիվ «աջակցությամբ», բայց բավականին մեծ ախորժակ ունի պորտֆելների հետ կապված։ Ըստ այդմ՝ ՀՅդ-ն ձգտում է ավելացնել դրանց քանակը կամ բովանդակությունը և աչքը դրել է առողջապահության նախարարի աթոռի վրա։ Ըստ այդմ, նախարարի թեկնածուի նոր անուն է շրջանառվում՝ Լևոն Գրիգորյանի, որը ՀՅԴ-ի ռեյտինգային ցուցակով առաջադրվել էր Երևանի թիվ 4 ընտրատարածքում և ստացել ընդամենը 911 ձայն։ «Չկա նման բան, դրանք հերյուրանքներ են»,– երեկ մեր լրագրողին պատասխանել է Գրիգորյանը։ Նա երկար չի խոսել, քանի որ մեռելոց էր, ասել է, որ գերեզմանատանն է։ Մյուս կողմից՝ տեղեկություններ կան, որ չնայած առողջապահության ներկայիս նախարար Լևոն Ալթունյանը, ում քաղաքական կարիերան բավականին աղմկահարույց ստացվեց, թեպետ հոգնել է և ուզում է ինքնակամ հեռանալ, բայց վարչապետը գոհ է նրա աշխատանքից և համոզում է մինչև 2018 թ. մնալ ու ռեֆորմներ իրականացնել։ Մասնավորապես՝ առողջապահության պարտադիր ապահովագրության ռեֆորմը»,–գրում է թերթը։
Մանրամասները՝ թերթի այսօրվա համարում։