Araratnews.am-ը գրում է.
Վրաստանի նախագահ Գիորգի Մարգվելաշվիլիի դուստրը՝ Աննա Մարգվելաշվիլին, պնդում է, թե երկրի պետական անվտանգության ծառայության աշխատակիցները հետևում են իր ընտանիքի անդամներին, իսկ ընտանիքի մտերիմներից մեկի գրպանում ոստիկանությունը թմրամիջոց է դրել. գրում է Ria.ru-ն:
Ավելի վաղ Աննա Մարգվելաշվիլին հայտարարել էր, որ իր ընտանիքի բարեկամ Միխաիլ Թաթարաշվիլիի մոտ ոստիկանությունն իբր թմրամիջոց էր հայտնաբերել: Նրա խոսքով՝ Թաթարաշվիլին չի բացառել հատուկ ծառայությունների կողմից լրտեսվելու հնարավորությունը, ուստի նախքան ձերբակալությունը տեսաձայնագրել է, որում երևում է, որ իր մոտ թմրամիջոց չկա:
Թաթարաշվիլին ձերբակալվել էր մարտի 17-ին` մեծ քանակությամբ թմրամիջոցներ պահելու համար:
«Մենք հստակ գիտենք, որ Միշայի ձերբակալությունից հետո պետական անվտանգության ծառայության աշխատակիցները կանգնած են եղել Մինդիա Գոգոչուրիի (նախագահ Մաշո Չիչուայի խորթ դստեր քաղաքացիական ամուսնու) տան դիմաց: Չգիտեմ` դա ո՞նց հասկանալ՝ որպես հետապնդո՞ւմ, թե՞ հալածանք»,- Рустави 2 հեռուստաալիքի եթերում հայտարարել է Մարգվելաշվիլիի դուստրը:
Նա կարծիքով՝ անվտանգության պետական ծառայության հիմնական հետաքրքրությունը հենց Գոգոչուրին և իր ընկերներն են:
«Ես ցանկանում եմ մինչև վերջ աջակցել մեր ընկերներին, որպեսզի ապացուցվի նրանց ճշմարիտ լինելն ու անմեղությունը»,- ասել է Վրաստանի ղեկավարի դուստրը:
