Հայեր ջան էսօր շատ կարևոր օրա մեզ համար:
Թվում է, թե վերջապես լուծում են ստանալու մեզ համար չափազանց կարևոր երկու հարց` Ղարաբաղյան հակամարտության հարցը և Հայոց ցեղասպանության հարցը:
Եթե առաջին դեպքում ամեն ինչ կախված է մեր և մեր հարևան երկրի նախագահների կամքից, ապա երկրորդ խնդրի բանալին ամբողջության Ֆրանսիայի ձեռքում է:
Առաջին դեպքում ոչ մի դրական ակնկալիք չկա, քանի որ սպասվում է, որ երկու նախագահներն էլ անզիջում են լինելու, ինչպես և պատահեց Կազանում կայացած հանդիպման ժամանակ: Նույնիսկ Ռուսաստանի մեծ ցանկության դեպքում, սառույցը այս անգամ ևս տեղից չի շարժվի:
Այլ է հարցը Ֆրանսիայի դեպքում: Ֆրանսիան արդեն մեկ անգամ, ստորին պալատում ընդունելով Հայոց ցեղասպանության ժխտումը քրեականացնող օրինագիծը, հաստատեց իր հավատարմությունը հայ-ֆրանսիական բարեկամությանը և ևս մեկ անգամ ապացուցեց, որ ինքն արդարության ջատագովն է:
Չնայած թուրքական և ադրբեջանական կողմի ճղճղոցներին և սպառնալիքներին, Ֆրանսիան նախընտրեց համամարդկային ճշմարտության կողմը բռնել:
Այսօր ևս ամբողջ հայությունը իրենց վստահությունն են հայտնում Ֆրանսիայի հանդեպ և հույս փայփայում, որ չնայած ամեն ինչին, պայքարը արդարության համար շարունակելի կլինի:
