Բաղադրիչներ
- 2 մեծ շնիցելի համար՝
- հավի կրծքամիս - 1 հատ
- պանիր - 2 կտոր
- խոզապուխտ - 2 կտոր
- աղ - ըստ ճաշակի
- պղպեղ սև - ըստ ճաշակի
- Թաթախելու համար՝
- ձու - 1 հատ
- ալյուր - ըստ ճաշակի
- չորահաց - ըստ ճաշակի
- Ինչպես նաև՝
- բուսայուղ - տապակելու համար
Պատրաստման եղանակ
- Հավի կրծքամիսը երկու հավասար մասի ենք բաժանում և մաքրում թաղանթներից: Կտորներից մեկի վրա դանակով կտրվածք ենք անում, գրքի նման բացում և աղ ու պղպեղ ցանում: Մուրճով հարվածում ենք, դարձնում մեկ մեծ, հարթ շնիցել (ցանկալի է դա անել թաղանթով, որպեսզի միսը չպատռվի):
Շնիցելի կենտրոնում դնում ենք պանրի ու խոզապուխտի կտորները: Միսը նրբաբլիթի նման խնամքով փաթաթում ենք: Եթե ամեն ինչ ճիշտ ենք անում, թելով կամ չոփիկով լրացուցիչ ամրացնելու կարիք չկա: Նույն գործընթացը կրկնում ենք կրծքամսի մյուս կտորի հետ:
Առանձին ափսեների մեջ լցնում ենք ալյուրը, չորահացի փշրանքները և հարած ձուն, որին ցանկության դեպքում կարելի է կաթ ավելացնել: Հետո փաթաթած մսերը հերթականությամբ թաթախում ենք ալյուրի, ձվի և փշրանքների մեջ: - Տապակում ենք լավ տաքացրած բուսայուղի մեջ, ամեն կողմից 5-6 րոպե՝ չմոռանալով տապակել նաև կողքերը:
- Պատրաստի շնիցելը դնում ենք թղթե անձեռոցիկի վրա, որպեսզի ավելորդ յուղայնությունը դուրս գա:
- Ահա և վերջ:
Եվ չմոռանաք, որ այսպիսի հիանալի ուտեստ պատրաստելիս անհրաժեշտ է հոգալ նաև սիրելի խավարտի մասին :
Նյութի աղբյուր՝ http://www.cooks.am/%D5%B7%D5%BE%D5%A5%D5%B5%D6%81%D5%A1%D6%80%D5%A1%D5%AF%D5%A1%D5%B6-%D5%B8%D6%82%D5%BF%D5%A5%D5%BD%D5%BF-cordon-bleu/
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել