Վերջերս հրապարակված պաշտոնական տվյալներից կարելի է հասկանալ, որ գործադիրին վերջապես հաջողվել է կանգնեցնել մի քանի ամիս շարունակվող տնտեսական ակտիվության անկումը: Նոյեմբերին 2015-ի նույն ամսվա համեմատ Հայաստանում 2.3% աճ է գրանցվել։
Հատկանշական է, որ չորսամսյա անկումից հետո տնտեսության մեջ դարձյալ աճ է գրանցվել։ Իհարկե, վերջին երկու ամիսների անկման վրա նկատելի էր հատկապես գյուղատնտեսության ցուցանիշների ճշգրտման ազդեցությունը։ Հոկտեմբերին ոլորտի արտադրության ծավալը 30 տոկոսով կրճատվեց։
Վերը նշվածը պայմանավորվել է ճյուղի ցուցանիշների վերանայմամբ։ Չնայած դրան՝ արդեն նոյեմբերին վիճծառայությունը գյուղատնտեսության ոլորտում արտադրության ծավալների աճ է արձանագրել, որը եղել է նախորդ տարվա նույն ժամանակահատվածի նկատմամբ շուրջ 6,3 տոկոս։
Նյութի աղբյուր՝ https://www.facebook.com/permalink.php?story_fbid=1829782557311343&id=100008388496917&__mref=message_bubble
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել