Այուրվեդայում կովի հալած յուղն անվանում են գհի:
Համարվում է, որ այդ մթերքը կարող է օրգանիզմը հագեցնել առանձնակի էներգիայով, որը դրականորեն է ազդում բոլոր ներքին օրգանների աշխատանքի վրա:
Հալած կարագը նպաստում է նյարդային համակարգի ամրացմանը, սնում է գլխուղեղը, մաքրում է լյարդը և ակտիվացնում նյութափոխանակությունն օրգանիզմում:
Գհի յուղի օգտակար հատկանիշները
Հարմար է տապակելու համար
Գհին հրաշալի համադրվում է բոլոր մթերքների հետ: Ի տարբերություն բուսական յուղերի՝ այդ մթերքը տաքացնելիս չի կորցնում իր օգտակար հատկությունները: Հալած յուղով ուտեստները շատ համեղ և անուշաբույր են ստացվում, հագեցած կաթնային համով:
Նպաստում է նիհարելուն
Կովի հալած յուղը պարունակում է ճարպաթթուներ, որոնք 8%-ով պակաս հագեցած են, քան մնացած կենդանական ճարպերը: Դա նպաստում է օրգանիզմի կողմից այդ մթերքի հեշտ յուրացմանը: Գհի յուղի պատրաստման ժամանակ դրանից ամբողջովին հանվում է բարդ սպիտակուցը՝ կազեինը, որն ազդում է արյան մեջ խոլեստերինի ավելացմանը:
Բացի դրանից՝ հալած յուղը պարունակում է օգտակար հակաօքսիդանտներ՝ վիտամիններ А և Е: Դրանք կանխում են լիպիդների օքսիդացումը, կանխարգելում են աթերոսկլերոզը և նպաստում ճարպի այրման գործընթացների արագացմանը: Բացի դրանից՝ գհի յուղը պարունակում է լինոլեային թթու, որն անհրաժեշտ է օրգանիզմի հյուսվածքների և օրգանների զարգացման համար:
Օգտագործվում է որպես բնական լուծողական
Անհրաժեշտ է 1-2 թ. գ. հալած յուղը լուծել մեկ բաժակ տաք կաթի մեջ: Այդ միջոցը նույնիսկ երեխաները կարող են ընդունել:
Մեծացնում է քսուքների և բալզամների արդյունավետությունը
Անհրաժեշտ է մի քիչ հալած յուղը խառնել բուժական նյութի և քսել հիվանդ մասին:
Օգնում է բարձրացնել իմունիտետը
Այդ միջոցով կարելի է ազատվել անեմիայից, ֆիզիկական թուլությունից: Դրա համար բավարար է հալած յուղ օգտագործել՝ այն խառնելով չրերի, ընկուզեղենի, մեղրի և համեմունքների հետ: Պարբերական օգտագործման դեպքում այդ համադրությունը կօգնի ազատվել քրոնիկական խնդրից:
Այս տեսանյութում կարելի է տեսնել, ինչպես տնային պայմաններում պատրաստել հալած յուղ:
Պետք է նշել, որ հալած յուղը օրգանիզմի վրա դրականորեն է ազդում միայն չափավոր քանակությամբ. այդ մթերքը պետք չէ չարաշահել: