ԱՄՆ-ում գործազրկության մակարդակը նվազել է մինչև իննամյա նվազագույնի

BBC-ի փոխանցմամբ՝ ԱՄՆ-ում գործազրկության մակարդակը այս տարվա նոյեմբերին նվազել է մինչև իննամյա նվազագույնի։ ԱՄՆ զբաղվածության նախարարությունը հայտնել է, որ երկրի տնտեսությունը նոյեմբերին ստեղծել է 178.000 աշխատատեղ։

Ընդ որում՝ գործազրկության մակարդակը նվազել է մինչև 4.6 տոկոսի՝ հոկտեմբերի 4.9 տոկոսի հետ համեմատ։ Ընդգծվում է, որ գործազրկության մակարդակի անկման դրական ցուցանիշների հետ մեկտեղ աշխատավարձի աճի տեմպը եղել է ավելի ցածր, քան ակնկալվում էր։

Վերլուծաբանների մեխ մասը կարծում է, որ ԱՄՆ Դաշնային պահուստային համակարգը տոկոսադրույքները կբարձրացնի արդեն հաջորդ նիստում։