Բաղադրիչներ
- Խմորի համար՝
- կեֆիր - 1,5 բաժակ
- ձիթայուղ - 3 ճ/գդ
- շաքարավազ - 1 ճ/գդ
- աղ - 1 թ/գդ
- ալյուր - 3 բաժակ
- խմորիչ - 1 թ/գդ
- Լցոնի համար՝
- լոլիկ - 3 հատ
- սխտոր - 6 պճեղ
- Ինչպես նաև՝
- ձիթայուղ - 0,5 բաժակ
- աղ ծովի - 0,5 թ/գդ
- մաղադանոս - 0,5 թ/գդ
- սխտոր - 0,5 թ/գդ
- պղպեղ սև - 0,5 թ/գդ
- օրեգանո - 0,5 թ/գդ
Պատրաստման եղանակ
- Նշված բաղադրիչներով խմոր ենք հունցում, որը պետք է լինի չափավոր պինդ ու փքուն:
- Համեմունքները լուծում ենք ձիթայուղի մեջ, թողնում թրմվի 15 րոպե: Աղը պետք է լրիվ լուծվի:
- Լոլիկները կտրատում ենք շրջանաձև, իսկ սխտորը՝ մանր:
- Խմորը 8 հավասար մասի ենք բաժանում (ստացվելու է 4 մեծ բլիթ): Մի կտորը վերցնում ենք և կլոր գրտնակում: Վրան քսում ենք թրմված յուղը, շարում ենք լոլիկների կտորները և սխտոր ցանում:
- Գրտնակում ենք խմորի մյուս կտորը, նորից կլոր գրտնակում, ծածկում միջուկով շերտն ու եզրերն ամրացնում: Նույն կերպ ձևավորում ենք մյուս 3 բլիթները: Բլիթի վրա քսում ենք թրմված ձիթայուղն ու յուղած մասով շրջում գրիլի ցանցի վրա: Մյուս կողմը նույնպես ձիթայուղում ենք:
- Բլիթները շատ արագ են եփվում չափավոր տաք ածուխների վրա: Պետք է 1 անգամ շրջել:
- Ահա և վերջ:
Արժե ընտանիքի անդամներին ուրախացնել և գրիլի վրա թխված բլիթներ պատրաստել: Պիկնիկի գնալիս այս բաղադրատոմսի մասին չմոռանաք
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել