Նոր ընտրական օրենսգիրքը անկախ Հայաստանի պատմության մեջ մեր երկրի ժողովրդավարական զարգացումն արգելակող ամենավատ փաստաթուղթն է։ Պարզվում է՝ ընտրակեղծարարության մասին ահազանգերը քրեականացվելու են, այսինքն՝ եթե ընտրողը, ըստ իրենց, որոշակի ընտրախախտում է նկատում և այդ մասին հայտնում է իրավապահ մարմիններին, իսկ գործի քննությունից հետո պարզվում է, որ ընտրախախտում չի եղել, մարդը ենթարկվում է քրեական պատասխանատվության։
Սա ունի որոշակի ստոր նպատակ՝ մարդկանց մեջ, որոնք պայքարում են արդար և թափանցիկ ընտրությունների համար, անվստահություն ներարկել և ստիպել խախտում նկատելիս վախենալ հետևանքներից։
Սա ընտրական գործընթացների կայացումը մեր երկրում վերջնականապես տապալելու և կեղծելու ամենավերջին ստորությունն է։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
