Շատերին սխտորը հայտնի է որպես կերակուրներին անկրկնելի բույր և համ հաղորդող մթերք:
Դա այդպես է, սակայն դրա օգտագործման եղանակներն ավելի շատ են և չեն սահմանափակվում խոհարարության մեջ օգտագործվելով:
Այսօր շատ մթերքների մասին մասին հիշում են հենց այլընտրանքային տարբերակներով, և դա իր պատճառներն ունի.
Մենք արդեն հոգնել ենք քիմիկատներից և արհեստական հավելումներից, որոնք կան կոսմետիկ միջոցներում, դեղորայքի մեջ և կենցաղային պարագաներում:
Ձեզ եմ ներկայացնում հինգ դեպք, երբ ձեզ սխտորը անպայման պետք կգա:
1․ Բուժել սնկային հիվանդությունը
Կեսժամանոց վաննա ոտքերի համար՝ մանր կտրատած սխտորի կտորներով, և ձեր ոտքերն իրենց ավելի լավ կզգան: Ինչպես նաև կարելի է ոտքերին դնել սխտորով բուսայուղի տամպոններ: Դա ֆունգիցիդից հզոր միջոց է:
2․ Մաքրել դեմքը
Ի տարբերություն խանութներից ձեռք բերած միջոցների՝ սխտորը բացառապես օգտակար բաղադրիչներ է պարունակում, որոնց թվում է ալիցինը, որն ունի հակաբակտերիալ, հակասնկային և հակավիրուսային հատկություն: Ուղղակի քսեք դեմքին շատ բարակ շերտով մանրացրած սխտոր և այդպես թողեք 15 րոպե: Հետո լվացեք դեմքը տաք ջրով և քսեք խոնավեցնող կրեմ:
3․ Ազատվել ատամի ցավից
Մի պճեղ սխտորը թաթախեք աղի մեջ և ցավող ատամի կողմով ծամեք այն զգուշորեն: Իհարկե, սա չի նշանակում, որ պետք է անտեսել ատամի հետ կապված խնդիրները, բայց մինչ ատամնաբույժին հանդիպելը սխտորը կօգնի ձեզ հաղթահարել ցավը:
4․ Բուժել ականջի բորբոքումները
Սխտորով բուսայուղն իսկական հակաբորբոքային է: Երկու կաթիլ սխտորով բուսայուղը (տաք վիճակում) կհանգստացնի ցավը և կբուժի ականջը:
5․ Հանել փուշը
Մատը փորփրելու փոխարեն՝ փշի վրա մի շերտ սխտոր դրեք (կտրած շերտ, որպեսզի հյութ դուրս տա), փաթաթեք մատը պլաստիրով և թողեք այդպես մեկ գիշեր: Իր հակաբորբոքային հատկությունների շնորհիվ սխտորը նաև կվերացնի հնարավոր վարակը, որը հեշտությամբ կարող է անցնել փշի միջոցով:
