Tert.am-ը գրում է.
ՀՀ աշխատանքի և սոցիալական հարցերի նախարարի պաշտոնակատար Արտեմ Ասատրյանը սեպտեմբերի 26-ին ընդունել է Հայկական և Շվեյցարական Կարմիր Խաչի պատվիրակությանը:
Ինչպես հայտնում են ՀՀ աշխատանքի և սոցիալական հարցերի նախարարության հասարակայնության հետ կապերի բաժնից, ողջունելով պատվիրակության անդամներին՝ Արտեմ Ասատրյանը բարձր է գնահատել Հայկական և Շվեցարական Կարմիր Խաչի հետ արդյունավետ համագործակցությունը, ընդգծելով կառույցի՝ բնակչության բոլոր շերտերի, մասնավորապես` խոցելի խմբերի խնդիրներին ուղղված ծրագրերի իրականացման, պետական կառույցների հետ համագործակցության կարևորությունը:
Ներկայացնելով տարեցների ոլորտում իրականացվող ծրագրերը, նախարարի պաշտոնակատարը նշել է, որ ոլորտում ներկայիս որդեգրած քաղաքականությունն ուղղված է ամբողջական գնահատված կարիքի հիման վրա սոցիալական ծառայությունների տրամադրմանը:
«Վերջին տարիներին կարևորում ենք ոչ միայն դրամական վճարներով սոցիալական աջակցությունը, այլև՝ սոցիալական վերականգնողական ծառայությունների, ցերեկային կենտրոնների, փոքր տների մոդելների կիրառումը: Այսօր փորձում ենք դուրս գալ տարեցների շուրջօրյա մեծ հաստատությունների համակարգից, համայնքային սոցիալական ծառայությունների և ՀՀ կառավարության կողմից հաստատված տարբեր մոդելների միջոցով իրականացնել այն քաղաքականությունը, որն ուղղված է տարեցների կենսաապահովման պայմանների բարելավմանը և հասարակական կյանքում առավելագույնս ներգրավված լինելուն»,-ընդգծել է Արտեմ Ասատրյանը:
Ամբողջական հոդվածը կարող եք կարդալ այստեղ