ՓՄՁ-ները զինվում են ՏՏ-ով
Բազմաթիվ ընկերություններ իրենց արտադրանքի վաճառքը իրականացնում են օնլայն տարբերակով: Հաճախ դա հնարավորություն է տալիս խնայել կապիտալի այն հատվածը, որը պետք է ծախսվեր խանութներ բացելու նպատակով:
Հայաստանում արտադրվող ապրանքների վաճառքը խթանելու նպատակով մի շարք ՓՄՁ-ներ կհամագործակցեն օնլայն վաճառք իրականացնող ընկերությունների հետ:
Վերջին տարիներին Հայաստանում նկատվում է օնլայն տարբերակով իրականացվող գնումների զգալի աճ: Մարդիկ սկսել են ավելի շատ վստահել նման ընկերությունների: Բացի դրանից, հնարավորություն է ստեղծվում տեղական արտադրանքը վաճառել նաև արտասահմանում:
Սպասվում է, որ առցանց վաճառք իրականացնողների կողմից ՓՄՁ-ներին կտրամադրվի նաև մարքեթինգային անվճար խորհրդատվություն, որը կծառայի ապրանքների սպառման ծավալները ավելացնելուն: