Բրիտանացի երգչուհի Ադելը Գլասթոնբերիի փառատոնում տեղի ունեցած 1.5 ժամանոց համերգի ժամանակ հայհոյել է 33 անգամ, հայտնում է The Daily Star-ը: Նա այդպես է վարվել այն բանից հետո, երբ փառատոնը նկարահանող BBC ընկերությունը նախազգուշացրել է, որ բեմից հայհոյել չի կարելի, հայտնում է lenta.ru-ն:
Հաղորդվում է, որ հանդիսատեսը դրականորեն է արձագանքել երգչուհու վարքին: «Մինչև այսօրվա երեկոն ես նրա հատուկ երկրպագուն չէի: Սակայն, այսօր նա նվաճեց ինձ: Այդպես սրտաբաց, հասարակ և ծիծաղելի: Նրա հայհոյանքn ինձ շատ զվարճացրեց»,- պատմել է Գլասթոնբերիի հանդիսատեսներից մեկը:
«Գլասթոնբերին» Մեծ Բրիտանիայում խոշորագույն երաժշտական փառատոններից և աշխարհում ամենահայտնի ռոք փառատոններից մեկն է: Այն անցկացվում է 1970 թվականից` Սոմերսեթ դքսությունում:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել