Օդեսայում երկրորդ փորձից ապամոնտաժել են Վլադիմիր Լենինի վերջին և ամենամեծ արձանը, որը տեղադրված էր ուկրաինական քաղաքում:
Ինչպես տեղեկացնում է Укринформ գործակալությունը` հուշարձանը ապամոնտաժվել է ապակոմունիզացման մասին օրենքի շրջանակներում: Արձանը պատվանդանից իջեցրել են երկու վերամբարձ կռունկների օգնությամբ:
Ապամոնտաժման աշխատանքների ղեկավարը նշել է, որ տեղում «ապամոնտաժման ընթացքին խոչընդոտել ցանկացողներ չեն եղել»:
Արձանի ապամոնտաժման առաջին փորձն իրականացվել էր մայիսի 17-ին, սակայն այն ժամանակ փորձն անհաջող էր ընթացել:
Լենինի հուշարձանը Օդեսայում տեղադրվել էր 1967-ին Հոկտեմբերյան հեղափոխության հրապարակում:
Նյութի աղբյուր՝ http://www.tert.am/am/news/2016/05/29/odesa/2034928
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել