ԱՄՆ նախագահ Բարաք Օբաման և Իրաքի վարչապետ Հայդեր Ալ-Աբադին շաբաթ օրը հեռախոսով քննարկել են արաբական երկրում իրավիճակը և ԴԱԻՇ-ի դեմ պայքարը, հայտնում է RIA Novosti-ն` հղում կատարելով Սպիտակ տանը:
Զրույցի թեմաներից մեկը դարձել է Բաղդադում և նրա շրջակայքում իրականացված վերջին ահաբեկչությունները և Իրաքի ներքաղաքական իրավիճակը:
«Նախագահը և վարչապետը համաձայնվել են, որ անհրաժեշտ է բարելավել Բաղդադում և Միջազգային գոտում (այսպես կոչված «կանաչ գոտում») անվտանգությունը՝ նշելով Իրաքում բոլոր կողմերի միջև քաղաքական երկխոսությունը շարունակելու կարևորությունը, որպեսզի երկրի ժողովուրդն իր ձգտումները կարողանա իրագործել ժողովրդավարական ինստիտուտների միջոցով»,- ասված է հաղորդագրությունում:
Բացի այդ, առաջնորդները քննարկել են Անբար շրջանում ահաբեկիչների դեմ ռազմական գործողությունների ընթացքը իրաքյան ուժերի հարձակման լույսի ներքո:
