Բաղադրիչներ
- խնձոր - 6 հատ
- շաքարավազ - 300 գր
- կարագ - 20 գր
- քացախ - 1 ճ/գդ
- ջուր - 1 ճ/գդ
- սերուցք 30-35% յուղայնությամբ - 30 մլ
Պատրաստման եղանակ
Նշված բաղադրիչները նախատեսված են 6 չափաբաժնի համար։
- Շատ կարևոր է, որպեսզի խնձորները շատ հյութեղ լինեն և մի քիչ թթվաշ։ Այդ դեպքում քաղցր կարամելի և թթվաշ խնձորի կոնտրաստն ավելի հետաքրքիր կլինի։
Խնձորները լվանում ենք և լավ չորացնում։ Խնձորի պոչերը հանում ենք և դրանց փոխարեն փայտիկներ ենք խրում։
- Մնացած բոլոր բաղադրիչները լցնում ենք կաթսայի մեջ։
- Դնում ենք միջին ուժեղության կրակի վրա և 10-20 րոպե (ժամանակը կարող է տարբեր լինել) եփում ենք մինչև բաց շագանակագույն դառնա։
- Կարամելը կաթեցնում ենք ամանի մեջ, եթե կաթիլները սառում են և պնդանում, նշանակում է կարամելը պատրաստ է։
Խնձորները թաթախում ենք կարամելի մեջ և տեղափոխում ենք յուղաթղթով կամ կարագով պատված սկուտեղի մեջ։
Թողնում ենք կարամելն ամբողջությամբ սառչի և վայելում ենք։
Ինչպես համոզվեցիք, կարամելացված խնձորներ ստանալը չափից դուրս հեշտ է:
Նյութի աղբյուր՝ http://www.cooks.am/%D5%AF%D5%A1%D6%80%D5%A1%D5%B4%D5%A5%D5%AC%D5%A1%D6%81%D5%BE%D5%A1%D5%AE-%D5%AD%D5%B6%D5%B1%D5%B8%D6%80%D5%B6%D5%A5%D6%80/
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
