Ռազմական գործի մասնագետները գիտեն. ծրագրված հարձակման 15-րդ րոպեից հետո նախապես մշակված պլանը պենք է պատռել ու դեն նետել: Մերոնք, ոչ միայն հաստատեցին սա, այլ մարդկային ու տեխնիկական ռեսուրսով մեզ մի քանի անգամ գերազանցող ու «փայլուն» օպերացիա ծրագրած Ադրբեջանին ռազմարվեստի ու հայրենասիրության մի էնպիսի դաս տվին, որ Բաքուն երկար պիտի փորձի բացատրել սեփական ժողովրդին: Արցախյան կարճատև պատերազմում (տա Աստված, որ անցյալ կատարյալով խոսենք դրա մասին), հրադադար պարտադրողնե՛րն են հայի ոսկե սերունդը: Էս տղերքից մի քանիսին բախտ ուենցանք տեսնելու, մյուսների ու իրենց հրամանատարներից շատերի անունները չգիտենք ու չենք էլ իմանա. նրանք խոսելու, պատմելու ժամանակ չունեն... ու էս օրերին Արցախում լիքը գործ արած ու անող մարդիկ՝ խոսելու ժամանակ չունեն՝ հիմա էլ են գործ անում... Էն, ինչ եղավ, դեռ երկար կքննարկենք, կվերլուծենք, կարծիքներ կասենք ու գնահատականներ կտանք... կարևորը՝ ճիշտ հետևություն անենք ու մեզ՝ խոսողի, այլոց՝ գործողի դերը չվերապահենք: Դերերը բաժանելիս ազնիվ լինենք: Էս տղերքին, նրանց նման հարյուրավորներին ու նրանց՝ արդեն հերոսացած ընկերներին, բոլորի ընտանիքներին ԽՈՆԱՐՀՈՒՄ ու ՇՆՈՐՀԱԿԱԼՈՒԹՅՈՒՆ:
