Իտալիայի հանելուկային և սարսափեցնող «Հրեշների այգին» (լուսանկարներ, տեսանյութ)

Հռոմից 67 կմ հեռավորության վրա է գտնվում Բոմարցո ոչ մեծ քաղաքը, որն առավել հայտնի է իր անսովոր այգիով, որտեղ քարե հրեշներն են բնակվում։ Վայրը, որտեղ ավելի քան 400 տարի է՝ կանգնած են 30 սարսափեցնող քանդակներ, ստացել է «Սուրբ անտառ» (Sacro Bosco) պաշտոնական անվանումը, իսկ ժողովրդի մեջ այն առավել հայտնի է «Parco dei Mostri»` «Հրեշների այգի» անունով։

Այգին կառուցվել է կոնդոտյեր Պիեռ Ֆրանչեսկո Օրսինի պատվերով 1552 թ.–ին, և չնայած կառուցման պատճառները հայտնի չեն, բայց քանդակները պետք է արտահայտեին նրա` պատերազմից տուն վերադարձողի զգացմունքները։

Այգին լքվեց Ֆրանչեսկոյի մահից հետո 1580–ական թվականներին և բարենպաստ կերպով մոռացվեց ընդհուպ մինչև 1938 թ.–ը, երբ այն պատահմամբ բացահայտեց Սալվադոր Դալին։

«Հրեշների այգին» իսկապես սարսափելի տեսք ունի, առավել ևս, եթե հաշվի առնենք այն փաստը, որ քանդակները թաքնված են անտառի խորքում։