Նոյեմբերի 21-ին ՀՀ վարչապետ Հ. Աբրահամյանը այցելել էր Սյունիքի մարզ: Այցելության ժամանակ բարձրացվել էր Կապան համայնքի Ա. Խաչատրյանի անվան թիվ 1 երաժշտական դպրոցի վերանորոգման խնդիրը:
Մեր երկրի համար շատ կարևոր է նման խնդիրներին արագ լուծում տալը, քանի որ համայնքներում ևս պետք են անհրաժեշտ պայմաններ տաղանդավոր երեխաների ապագան ապահովելու համար:
Արդեն այսօր` տեղի ունեցած կառավարության նիստի ընթացքում, որոշվել է երաժշտական դպրոցի վերանորոգման նպատակով Սյունիքի մարզպետարանին ՀՀ-ի 2015 թվականի պետական բյուջեով նախատեսված կառավարության պահուստային ֆոնդի հաշվին 2015 թվականին հատկացնել 28,000.0 հազար դրամ գումար: Գումարն ամբողջությամբ ուղղվելու է դպրոցի վերանորոգման աշխատանքներն ավարտին հասցնելուն:
Նյութի աղբյուր՝ https://www.facebook.com/permalink.php?story_fbid=1502030460093082&id=100008584260507&pnref=story
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել