Աբու Դաբիում գտնվող այս գեղեցիկ երկվորյակ աշտարակները նախագծվել են արաբական անտիկ ճարտարապետության էլեմենտներով: Աշտարակները ծածկված են բառացիորեն արեգակին հետևող մեխանիկացված եռանկյունաձև վահանակների երկրաչափական «մաշկով», որն արևապաշտպան դեր է խաղում աշտարակների համար:
Նախագծի հեղինակը «Aedas Architects» ընկերությունն է: Ոգեշնչման աղբյուր է հանդիսացել մաշրաբիյան՝ արաբական աշխարհում պատուհանները ծածկող գեղեցիկ նախշազարդ վահանակները: Այս վահանակավոր «մաշկը» կառավարվում է համակարգիչներով. դրանք բացվում, փակվում ու նույնիսկ հորիզոնական ուղղությամբ տեղաշարժվում են՝ արևի լույսը փակելու համար: 145 մետր բարձրություն ունեցող աշտարակները, որոնք կառուցվել են 2012թ.-ին, ամբողջովին ծածկված են ապակիներով, այնպես որ արևապաշտպան մաշկը շենքը 50 տոկոսով պաշտպանում է արևի ուղիղ ճառագայթներից գերտաքանալուց և ամենայն հավանականությամբ կրճատում է օդափոխման համակարգերի ծախսերը:
