Tert.am-ը գրում է.
ԱԺ «Հանրապետական» խմբակցության պատգամավոր Վարդան Այվազյանը Սյունիքի մարզում Գորիսում սահմանադրական փոփոխությունների իրապատման «Հյուսիս» ուղղության քարոզարշավի շրջանակում ներկայացրեց, թե ինչու պետք է սահմանադրական փոփոխություններին «այո» քվեարկել:
«Ֆինանսական կայունության և մոնոպոլիաների մասին եք ասում, գրված է, որ Կենտրոնական բանկը դա իր խնդիրներից մեկն է, ոչ թե իր հիմնական խնդիրն է»,-ասաց նա:
Այս հայտարարությունը բարկացրեց ԱԺ «Հայ ազգային կոնգրես» խմբակցության պատգամավոր Հրանտ Բագրատյանին, ով միջամտեց.«Այդպիսի բան գրված չէ, հայերեն լեզուն մենք հասկանում ենք, սուտ մի ասեք, գրված է՝ նպատակն է: Տվեք Սահմանադրության նախագծի տեքստը կարդանք: Մենք պետք է ազնիվ լինենք, այդպիսի բան չկա գրված»,-ասաց նա:
Վարդան Այվազյանը պարզաբանեց, որ առաջվա խմբագրական տարբերակում գրված էր «հիմնական նպատակ», իսկ հիմնական նպատակ նշանակում է, որ ԿԲ-ն պետք է զբաղվի միայն դրանով: «Խնդիրը դառնում է նպատակ»,-հավելեց նա:
Հրանտ Բագրատյանն ամեն դեպքում ընթերցեց սահմանադրական փոփոխությունների նախանշված կետը.«Կենտրոնական բանկի հիմնական նպատակներն են գների և ֆինանսական կայունության ապահովումը: Չկա նպատակներից մեկը»,– ասաց նա: Իսկ Վարդան Այվազյանը պահանջեց կարդալ դրամավարկային քաղաքականության մասը:
«Սուտ ինչի՞ ես խոսում, արա, կանգնիր ասա՝ ներողություն ստեցի»,-ասաց Հրանտ Բագրատյանը, իսկ Վարդան Այվազյանն արձագանքեց.«Արա չի, Վարդան Այվազյան է: Ինձ կարող են մեղադրել ամեն ինչի մեջ, բացի սուտ խոսելուց»: