Ո՞րն է հնադարյան ամենամեծ քաղաքը
Հնադարյան հայտնի ամենամեծ քաղաքը եղել է Չաթալ Հույուքը Փոքր Ասիայում: Ք.ա. 6250թ. շուրջ 6000 մարդ էր ապրում այնտեղ: Աղյուսից և ցեխից կառուցած տները մեկհարկանի էին, դուռ չունեին: Մարդիկ մտնում էին ներս` բարձրանալով սանդուղքով և սողոսկելով տանիքի վրայի անցքով:
Ո՞րն է մեծ բուրգը
Մեծ բուրգը կառուցվել է Գիզայում Քեոփս փարավոնի համար (Ք. ա. մոտավորապես 2575թ.): Շինարարության համար օգտագործվել է շուրջ 2 մլն սալ: Փարավոնը թաղվել է կենտրոնական պալատում: Լեռան մեծությամբ դամբարանը Քեոփս թագավորին չի բավարարել, և նա հրամայել է դամբարանի կողքին կառուցել ամբողջական ժայռակտորից կերտած՝ առյուծի մարմնով, մարդու դեմքով մի պահապան, որը կոչվում է Սֆինքս։ Սֆինքսը մարդկանց ահ ու սարսափ էր ներշնչում, և նրան անվանում էին սարսափի հայր։
Ո՞վ էր Կոնֆուցիոսը
Կոնֆուցիոսը ծնվել է Չինաստանի Լու թագավորությունում, Ք.ա. 551թ., արիստոկրատ աստիճանավորի ընտանիքում, զբաղվել է քաղաքական ևմանկավարժական գործունեությամբ: Նա մեծ մտածող էր և համոզված էր, որ կայսրը պետք է հոր պես հոգ տանի ժողովրդին, իսկ ժողովուրդը պետք է սիրի և հնազանդվի նրան: «Լուն Յու» («Զրույցներ և ասույթներ»)-ն Կոնֆուցիոսի գլխավոր աշխատությունն է։ Որում ի մի են բերված հասարակության, պետության, տիեզերքի, բարոյականության մասին Կոնֆուցիոսի դատողություններն ու խորհրդածություններն։ Շուրջ 2000 տարի նրա ուսմունքն ազդեցություն ուներ Չինաստանի կառավարման մեջ:
Ո՞վ է հայտնագործել թուղթը
Մոտ 100թ. չինացի Ցայ Լուն անունով մի մարդ փաթաթել է կանեփի և փայտի խյուսը, հետո հարթեցրել է և չորացրել: Այսպես ստեղծվել է թուղթը: Մոտ 800 տարի անց չինացիները տպել են առաջին թղթադրամը:
Ո՞վ է կառուցել Չինական մեծ պարիսպը
Մեծ պարիսպը կառուցվել է Շի Հուանդի կայսեր հրամանով Ք.ա. 214-204 թթ.: Շինարարությանը մասնակցել են միլիոնավոր աղքատ հողագործներ: Կարճ հատվածները միացնելով` կառուցել են աշխարհի ամենաերկար պատը, որը ձգվում է մոտ 2200 կմ: Պարսպի բարձրությունը հասնում է 15 մետրի և այնքան լայն է, որ ավտոբուս կարող է անցնել:
Ովք՞եր են հայտնագործել անիվը
Ոչ ոք չգիտի, թե երբ է ստեղծվել անիվը: Բրուտի անիվն օգտագործվել է Միջագետքում շուրջ 6000 տարի առաջ: Ք. ա. մոտ 3500թ. շումերներն օգտագործում էին այսպիսի պարզ սայլեր: Ավելի ուշ նրանք անիվներ դրեցին մարտակառքերին, որոնք քաշում էին էշերը: