Tert.am-ը գրում է.
ԼՂՀ Նախագահ Բակո Սահակյանն օգոստոսի 27-ին Հադրութի շրջանի Արա լեռ կոչված տեղամասում մասնակցել է «Երկրապահ կամավորականների միության» կողմից ավանդական ուխտագնացության շրջանակներում կազմակերպված տոնական միջոցառմանը, այս մասին տեղեկացնում է ԼՂՀ Նախագահի աշխատակազմի տեղեկատվության գլխավոր վարչությունը։
Նախագահ Սահակյանն արժևորել է «Երկրապահ կամավորականների միության» կողմից կազմակերպվող ամենամյա ուխտագնացությունները՝ ընդգծելով դրանց կարևորությունը մատաղ սերնդի հայեցի դաստիարակության, բանակ-հասարակություն կապերի և ազգային միասնության ամրապնդման տեսանկյուններից:
Միջոցառմանը մասնակցել են ԼՂՀ պաշտպանության նախարար Լևոն Մնացականյանը, «Երկրապահ կամավորականների միության» նախագահ Մանվել Գրիգորյանը, պաշտոնատար այլ անձինք:
Նյութի աղբյուր՝ http://www.tert.am/am/news/2015/08/28/nkr-president/1775128
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել