Tert.am-ը գրում է.
Մոլդովայում հայ համայնքի ու հայկական պատմամշակութային գույքի նկատմամբ ճնշումները ոչ միայն շարունակվում են, այլև զարգացման միտում ունեն և սա այն պահն է, որ Հայաստանի իշխանությունները պետք է միջամտեն, որ վիճակն ինչ-որ հանգուցալուծում ստանա:
Tert.am-ին ասաց Ազգային ժողովի պատգամավոր Արագած Ախոյանը, ով այսօր առավոտյան զրույցել է Մոլդովայում հայ համայնքի ղեկավար Վեներա Գասպարյանի հետ:
Արագած Ախոյանը մանրամասնեց, թե ինչ միջամտություն նկատի ունի.«Բնականաբար, պետք է միջամտեն Արտգործնախարարությունն ու Սփյուռքի նախարարությունը, որոնք պետք է հետևեն, որ նոր օջախներ չստեղծվեն»։
Հիշեցնենք, որ Մոլդովայի հայ համայնքի ղեկավար Վեներա Գասպարյանն ահազանգել էր , որ Մոլդովայի մայրաքաղաք Քիշնևում գտնվող Սուրբ Հարություն հայկական եկեղեցու և դրան հարակից 14-րդ դարի հայկական գերեզմանատունը ցանկանում են ապօրինաբար վերցնել համայնքից։
Տարածքներն ազատելու պահանջ դրվել էր ոստիկանության, շրջանային ղեկավար մարմնի ներկայացուցիչների ու գերեզմանատան տնօրենի կողմից: