Tert.am-ը գրում է.

Անհայտ երիտասարդի դի է հայտնաբերվել Բևերլի Հիլզի (ԱՄՆ Կալիֆորնիա նահանգ) տներից մեկում, որը պատկանում է հոլիվուդյան դերասանուհի Դեմի Մուրին, հայտնում է ՏԱՍՍ գործակալությունը՝ հղում անելով TMZ կայքին։

Իրավապահ մարմինների աղբյուրի տվյալներով՝ 21-ամյա տղամարդը լողալ չի իմացել և, ամենայն հավանականությամբ, սայթաքել է, ընկել լողավազանը և խեղդվել։

Ենթադրվում է, որ դերասանուհու բացակայության ժամանակ նրա գործակալը երեկույթ է կազմակերպել, որտեղ հրավիրված է եղել նաև այդ երիտասարդը։

Որոշ տվյալներով՝ դերասանուհու ներկայացուցիչը և մյուս հյուրերը որոշ ժամանակով հեռացել են լողավազանից՝ թողնելով երիտասարդին մենակ։ Իսկ վերադառնալուց հետո նրան գտել են լողավազանի հատակում։

Ոստիկանությունը հետաքննում է դեպքի հանգամանքները։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել