Ամբոխն առաջնորդվում է տրամադրություններով, կազմակերպված հասարակությունը բանականությամբ և հաշվարկներով: Բաղրամյան պողոտայում վերջին շաբաթվա ընթացքում անցկացված ցույցերը ցույց տվեցին, որ մենք իռացիոնալ, անկազմակերպ ամբոխից արդեն վերածվում ենք կազմակերպված հասարակության կամ քաղաքացիական հասարակության: Բոլոր տաք գլուխներին` իշխանություններից տաք գլուխ չլինեք: Եթե փողոցային բախումների եք գնում, ուրեմն նկատի ունեցեք, որ այս անգամ զոհը հենց դուք եք լինելու, ոչ թե մարտի մեկի տաս անծանոթ մարդիկ, այլ հենց դուք, հենց դուք և միայն դուք: Հենց սկսեք ձեզ մահացած պատկերացնել, ձեր պատասխանատվության զգացումն էլ կարթնանա: Իսկ եթե պատրաստ եք զոհվել, ապա շարունակեք նույն ոգով ու հազիվ մի քիչ ոգևորված ժողովրդին նորից խորը հուսահատության գիրկը նետեք:
Հ.Գ. Եթե մտնում ես ջուրը, և կոկորդիլոսից լայն երախ չունես ու պատշաճ կերպով լողանալ էլ չգիտես, ուրեմն սովորիր լեզու գտնել կոկորդիլոսի հետ, քանի դեռ լողալ չես սովորել ու երախ չես աճեցրել:
Նյութի աղբյուր՝ https://www.facebook.com/permalink.php?story_fbid=1601835293417376&id=100007727617126¬if_t=close_friend_activity
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել