Tert.am-ը գրում է.
Կիտրոնը հաճախ է օգտագործվում խոհանոցում և յուրհատուկ համ է հաղորդում ուտեստներին և հայտնի է առողջության, ինչպես նաև՝ գեղեցկության համար՝ իր օգտակար հատկանիշներով: Այն հայտնի է որպես ախտահանիչ և սպիտակեցնող միջոց մաշկի և մազերի համար: Այս մասին գրում է makeyourlifehealthier.com-ը` ներկայացնելով կիտրոնի 6 կիրառություն գեղեցկության համար:
1. Կիտրոնը խոնավեցնում է շրթունքները:
Քնելուց առաջ մի քանի կաթիլ կիտրոնի հյութ քսեք շուրթերին: Դա ապահովում է խոնավությունը:
2. Օգտագործեք կիտրոնը թևատակերի մաշկի համար:
Այն մաքրում է մաշկի վրա գոյացող սև բծերը և միևնույն ժամանակ՝ հանդիսանում է բնական դեզոդորանտ:
3. Մաքրեք սև կետերը կիտրոնով:
Կիտրոնը խորապես մաքրում է մաշկը և նպաստում տոքսինների արտազատմանը: Կիտրոնի կտորը քսեք մաշկի վրա և թողեք 10 րոպե, որից հետո կարող եք լվացվել:
4. Կիտրոնը խնամում է մաշկը:
Կարող եք ճզմել կիտրոնը և մի քանի կաթիլ հյութ ցողել դեմքի մաշկին քնելուց առաջ: Այն բարելավում է մաշկի տեսքն ու պայքարում ավելորդ յուղայնության դեմ:
5. Կիտրոնը` որպես եղունգների սպիտակեցուցիչ և ամրապնդիչ
Կիտրոնը հիանալի է եղունգների խնամքի համար, այն նպաստում է եղունգների ամրապնդմանը: Այն կարելի է քսել եղունգներին 2 թեյի գդալ ձիթապտղի յուղի հետ խառնած վիճակում:
6. Բացացրեք մազերի գույնը կիտրոնի օգնությամբ:
Սա կիտրոնի առավել շատ օգտագործվող կիրառություններից մեկն է գեղեցկության ոլորտում: Եթե ցանկանում եք բացացնել մազերի գույնը և դրանց փայլ հաղորդել, կիտրոնի հյութ քսեք մազերին և պահեք արևի տակ: Լավ արդյունք ստանալու համար գործողությունը կրկնեք 7 օրը մեկ:
