Ավազե ժամացույց հիշեցող կազմվածքով աղջիկը բազում տղաների համար կանացիություն կատարելատիպ է համարվում, սակայն Ալեյրա Ավենանդոյի դեպքում այդ կատարելատիպին հասնելն իսկական մոլուցք է դարձել: Այս 20-ամյա մոդելը, ով բնակվում է Վենեսուելայում, օրը 23 ժամ սեղմիրան է կրում: Նրա իրանի լայնությունն ընդամենը 50.8 սմ է կազմում:
Նա օրական միայն մեկ ժամ է բաժանվում սեղմիրանից, որն ինչպես ինքն է ասում, իր մարմնի մի մասնիկն է դարձել: Այդ մեկ ժամվա ընթացքում նա հանգստանում ու լողանում է: Ալեյրան պնդում է, որ թեպետ սկզբում իր համար շատ անհարմար էր սեղմիրան կրել, ներկայումս դա նույնիսկ հաճելի է: Բացի սեղմիրան կրելուց, Ալեյրան սահմանափակումներ է մտցրել նաև իր սննդակարգում: Նա գրեթե բացառել է իր սննդակարգից մսային ուտեստները: Սեղմիրանը դեռևս պատանեկան հասակից է Ալեյրայի անբաժան ընկերը: Թերևս այդ պատճառով էլ նա արդեն այնքան է սովորել դրան, որ առանց դրա չի պատկերացնում իր կյանքը:
Ես տարված եմ գոտիներով ու սեղմիրաններով: Ես անգամ քնում եմ դրանցով: Ինձ դուր է գալիս ճնշման զգացողությունը: Ներկայումս ես ոչ մի անհարմարություն չեմ զգում սեղմիրանի պատճառով:
Այնուամենայնիվ, Ալեյրայի բժիշկը խիստ մտահոգված է աղջկա տարօրինակ մոլուցքի պատճառով: Նա նշել է, որ մինչ այս պահը բարեբախտաբար սեղմիրանը լուրջ վնաս չի հասցրել Ալեյրայի առողջությանը, սակայն եթե նա այսպես շարունակի, հետևանքները կարող են անդառնալի լինել:
Պետք է նշել, որ երիտասարդ մոդելը միայն սեղմիրանին չէ պարտական իր կառուցվածքի համար: Նա դիմել է մի քանի վիրահատությունների, այդ թվում՝ քթի վիրահատություն, հետույքի իմպլանտանտների տեղադրում, լիպոսակցիա և կրծքի մեծացում: Մարդկանց արձագանքները միշտ չէ, որ դրական են: Փողոցում գրեթե բոլորը շրջվում են Ալեյրային նայելու: Շատերը հիացական հայացքներ ու հաճոյախոսություններ են շռայլում նրա հասցեին, իսկ ոմանք էլ համեմատում են նրան այլմոլորակայինի ու տրանսսեքսուալի հետ:
 |
 |
Հարցազրույցներից մեկի ընթացքում աղջիկը նշել է.
Ես ցանկանում եմ հայտնի դառնալ իմ կազմվածքի շնորհիվ: Ես ուզում եմ, որպեսզի ոչ միայն իրանս նեղ լինի, այլև ես առհասարակ սեքսուալ համարվեմ:
