Երեքամյա Յահյա Էլ Ջաբալին, ով ծնվել է առանց աչքերի, դեմքի կենտրոնում՝ քթի հատվածում անցքով ու առանց վերին ծնոտի, նորմալ կյանքով ապրելու հնարավորություն է ստացել մի անծանոթ կնոջ ու համարձակ վիրաբույժի շնորհիվ, ով պատրաստակամություն է հայտնել իրականացնելու ռիսկային վիրահատությունը։
Մարոկացի փոքրիկը, ով ապրում էր Կասաբլանկայից 6 ժամվա հեռավորություն ունեցող փոքրիկ գյուղում դեֆորմացված դեմքով է ծնվել՝ մոր հղիության ընթացքում բարդությունների հետևանքով դիմային ոսկորների սերտաճման խանգարման հետևանքով։
Չնայած խիստ հազվադեպ այս խանգարման, որից տառապում է երեխան, նրան հաջողվել է ողջ մնալ ու առողջ ու ուրախ մանկություն ապրել իր հոգատար ծնողների շնորհիվ։
Այնուամենայնիվ, իր անսովոր արտաքինի պատճառով նա չի կարողանում հասարակության առաջ դուրս գալ կամ խաղալ մյուս երեխաների հետ։
Փոքրիկի դեմքը միշտ ծածկում են, երբ նա դուրս է գալիս գյուղից։ Իր բերանի վերևի հատվածի բացակայության պատճառով նա չի կարողանում խոսել։
Յահյայի պատմությունը տարածվեց համացանցում, երբ նրա հոր մտերիմ ընկերը Ֆեյսբուքի միջոցով դիմեց բժիշկ մասնագետներին տղային օգնելու ու նրան նորմալ կյանքով ապրելու հնարավորություն տալու համար։
Ֆեյսբուքյան գրառումը կարդացել էր նաև Մելբորնում ապրող Ֆատիմա Բարական։
Նա իմ սիրտը մտավ, ես իսկապես սիրեցի այս փոքրիկ տղային։ ...Այնտեղ մեծ կարմիր թվերով հեռախոսահամար կար գրված։ Ակնհայտ էր, որ դա օգնության կանչ էր ու ես զանգահարեցի այդ հեռախոսահամարով։ Նրա հայրն ասաց, որ ուզում է, որ իր երեխան հնարավորինս նորմալ տեսք ունենա ու կարողանա դուրս գալ ու խաղալ մյուս երեխաների հետ։
Տիկին Բարական հանձն է առնում վիրաբույժ գտնել, ով պատրաստակամություն կհայտներ Յահյայի դեմքը վիրահատել ու գտնում է Մելբորնի վերականգնողական վիաբույժ Թոնի Հոլմսին։ Բժշկին գտնելուց հետո Բարական մեկնում է Յահյայի հայրենիք՝ տղային ու իր ընտանիքին հանդիպելու ու նրանց Ավստրալիա տեղափոխելու համար։
Ես ցնցում ապրեցի, չնայած չէի կարծում, որ նման ապրումներ կունենամ։ Անկեղծ ասած, ես նույնիսկ փոքր ինչ վախեցածա։
Չնայած դեպքի լուրջ ռիսկայնությանը, բժիշկ Հոլմսը համաձայնվում է վիրահատություն իրականացնել։
Նա կարող է չմահանալ եթե մենք նրան չվիրահատենք, սակայն վիրահատելու դեպքում նա կարող է մահանալ։ -նշել է բժիշկ Հոլմսը։
Վիրահատությունը տեղի կունենա դեկտեմբերին։ Բժիշկը պատրաստվում է մոտեցնել գանգի երկու հատվածներն ու քիթ ստեղծել տղայի մաշկից։ Հավանականություն կա նաև, որ երեխան կարող է խոսել վիրահատությունից հետո։
Մենք գիտափորձ չենք կատարում երեխայի վրա, մենք ուզում ենք լավ արդյունք ստանալ -նշել է Հոլմսը։