Սահմանամերձ գյուղերի բնակիչներին զենք բաժանելը այնքան էլ նպատակահարմար չէ մի շարք պատճառներով: Սահմանամերձ գյուղի բնակիչը իրոք հերոս է, որ նման պայմաններում դեռ շատ թիկունքում ապրողների պես չի հավաքել ճամպրուկը: Բայց ինչպե՞ս եք դա պատկերացնում բոլոր տղամարդկանց համարակալած զենք տան: Հասկացանք, որ հերոսություն է սահմանամերձ գյուղում ապրելը, բայց մի մոռացեք, որ սահմանամերձ բնակավայրի բնակիչը մյուս թիկունքային բնակավայրի բնակչի պես տարբեր է լինում: Ինչքանո՞վ եք վստահ, որ բնակիչների մեջ չեն լինի մարդիկ, որ բաժանված զենքը չեն օգտագործի այլ նպատակներով՝ կենցաղային վեճերը զենքով լուծել, հանցանքներ գործել և այլն: 90-ականներին, երբ պետությունը նոր էր կազմավորվում, էլի բնակչության մոտ ինքնապաշտպանության նպատակներով զենք կար, բայց էլի գտնվեցին մարդիկ, որ այն հանցավոր նպատակներով օգտագործեցին ու նեոբոլշևիկների լեզուն երկարեց անկախության դեմ: Ոչ թե պետք է զինել բնակիչներին, այլ լրացուցիչ անվտանգության միջոցներ ձեռք առնել: Երբ ասում են կռիվ, որ սկսվի առաջինը սահմանամերձ բնակավայրի բնակիչն է դիրքերի տղերքին օգնելու. գովելի է, որ մեր սահմանին մոտ ապրող ազգակիցները չեն վախենում, բայց կռիվ սկսելուց բոլոր տղամարդիկ են պարտավոր մեկնել զինկոմ ու ճակատ գնալ, չգնացողին էլ կտանեն խուսափողին էլ պատի մոտ կտանեն: Այստեղ հարց է ծագում, որ սահմանամերձ բնակավայրի տղամարդը էլ ինչ գնա զինկոմ, միանգամից կբարձրանա դիրքեր. այդ ժամանակ դիրքապահին հաստատ օգնության կգան զորամասից, իսկ օգնության համար դիրքեր գնացող բնակչի համար հաստատ պահեստում զենք կգտնվի, սակայն առանց մարտական ակտիվ գործողությունների անիմաստ է զենք բաժանելը: Հիմա երկու բառ լրացուցիչ անվտանգության միջոցների մասին: Սահմանամերձ գյուղեր տանող ճանապարհներին պետք է ոստիկանական կամ զինվորական անցակետեր կառուցվեն, որ ում մտքով անցնի չկարողանա մտնել գյուղեր՝ հատուկ ռեժիմ սահմանվի, ստուգվեն անձնագրերը և ով լինելը, հանդամասերում և արոտավայրերում ոստիկանական, կամ զինվորական պարեկային խմբեր լինեն աշխատանքների ժամանակ, գյուղերում նույնպես ոստիկանական զինված պարեկախմբեր լինեն զօրուգիշեր, սահմանամերձ գոտիներ մեկնող արտասահմանցի զբոսաշրջիկները պետք է նախապես ստուգվեն և թույլտվություն ստանալուց և անցագիր ստանալուց հետո միայն կարողանան մտնել տարածք, սահմանին մոտ գտնվող ճանապարհները և հարակից բարձունքները լինեն անընդհատ հսկողության տակ և այլ միջովառումներ, բայց ոչ համատարած բնակչությանը զինել:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել