Reddit կայքի օգտատեր Նաթան Սթեֆելը հրապարակելով իր դստեր` Սոֆյայի լուսանկարը, ով ընդամենը 6 շաբաթ էր ապրել, խնդրել է, որ ինչ-որ մեկը համակարգչային թվային ծրագրերի միջոցով խմբագրի լուսանկարն այնպես, որ լուսանկարում չերևան հիվանդանոցում տեղադրված խողովակները:
Նա իր կարճ կյանքի ողջ ընթացքում հիվանդանոցում է եղել, այդ իսկ պատճառով մենք չունենք որևէ լուսանկար, որտեղ նա առանց խողովակների կլինի: Ինչ-որ մեկը կարո՞ղ է լուսանկարից հանել դրանք:
Փոքրիկը տառապում էր հեմանգիոմայով, ու նրան պետք է լյարդի փոխպատվաստում կատարեին, սակայն 6 շաբաթականում չդիմանալով, նա լքում է կյանքը:
Հոր խնդրանքից հետո բազմաթիվ անծանոթներ արձագանքեցին նրա հրապարակմանը` նրան ուղարկելով երեխայի խմբագրված լուսանկարներն ու իրենց աջակցությունն առաջարկելով: Համակարգչային թվային ծրագրերով խմբագրելուց բացի, ուղարկում էին նաև երեխայի` մատիտով ու ներկերով նկարված աշխատանքները: Դիտեք ստորև: