Հայ հանդիսատեսն արդեն կինոթատրոններում կարող է դիտել հայկական արտադրության նոր՝ «Thank you, հայրիկ» ռոմանտիկ կատակերգությունը:
Ֆիլմի գլխավոր դերակատարներն են Միքայել Պողոսյանը, Քրիստա Դոնարգոն (ԱՄՆ), Երվանդ Մուրյանը (Ֆրանսիա), Աշոտ Տեր-Մաթեւոսյանը, Լուիզա Ղամբարյանը, Վիգեն Ստեփանյանը, Գեորգի Հովակիմյանը: Բեմադրող ռեժիսորը Հրաչ Քեշիշյանն է, ֆիլմի պրոդյուսերը՝ Միքայել Պողոսյանը։
Armstar.am-ը ներկա էր ֆիլմի փակ դիտմանը, որտեղ, կարող ենք ասել, հավաքվել էր հայ կինոյի էլիտան՝ այդ թվում ՀՀ առաջին տիկին Ռիտա Սարգսյանը և պաշտպանության նախարար Սեյրան Օհանյանը:
Ձեզ ենք ներկայացնում լուսանկարներն ու ռեժիսոր Հրաչ Քեշիշյանի և Աշոտ Տեր -Մաթևոսյանի մեկնաբանությունները ֆիլմի աշխատանքների մասին, ինչպես նաև Նազենի Հովհաննիսյանը կկիսվի ստացած տպավորություններով:
Հրաչ Քեշիշյան
Ես չեմ կարծում, որ որևէ ստեղծագործող պետք է աշխատի մի ժանրում: Յուրաքանչյուր մարդ պետք է փորձի անել այն, ինչ այդ պահը թելադրում է, այն ինչ զգում և է ճիշտ է համարում: Այդ պատճառով որոշեցի կատակերգություն նկարահանել:
Ժանրով կթվա, որ ուրախ, կոմեդիկ ֆիլմ է, բայց, իրականում, դրա ասելիքը բավականին խորն է: Մեր սյուժեից ելնելով՝ փորձեցինք դերասաններին հրավիրել արտերկրից, մեզ պետք էր դերասանուհի, ով կունենար կերպարին համահունչ լեզու, խոսք, զգացողություններ, ինչպիսին ունի Միացյալ Նահանգներում ապրող մարդը:
Մեզ անհրաժեշտ էր այս ամենի հիմքի վրա ցույց տալ հերոսուհու ապրումները: Նյու Յորքից հրավիրեցինք Քրիստա Դոնարգոյին, ով լավ, գրագետ և հաճելի դերասուհի է, ում հետ աշխատելը շատ հեշտ էր:
Աշոտ Տեր Մաթևոսյան
Դերս, ճիշտ է, այդքան էլ մեծ չէ, բայց երբ Հրաչ Քեշիշյանը և Միքայել Պողոսյանը առաջարկեցին, սցենարը նայելով, ինչ-որ հետաքրքիր բան գտա դրանում և ընդունեցի առաջարկը:
Երբ արդեն նայեցի ֆիլմը, կարող եմ ասել, որ այն ստացված է: Ֆիլմում ես նույն Աշոտ Տեր -Մաթևոսյանն եմ: Հանդիսատեսն էլ նոր ասում էր, որ դերս շատ չէր, բայց ասելիք կար դրանում, ինչ համար ես շատ ուրախ եմ:
Ֆիլմի համարյա թե բոլոր դրվագներում աշխատում եմ ԱՄՆ-ից ժամանած դերասանուհու հետ, ում հետ աշխատելը շատ հեշտ և հաճելի էր: Մի փոքր դժվար էր անգլերեն խոսելը, քանի որ անգլերեն շատ լավ իմացող մարդու ներկայությամբ փոքր ինչ կոմպլեքսավորվում ես, բայց դա էլ ստացվեց:
Նազենի Հովհաննիսյան
Լինի գիրք, երաժշտություն, թե որևէ այլ ստեղծագործություն, որը խոսում է լուսավոր Հայաստանի մասին, ինձ և կարծում եմ յուրաքանչյուր հայաստանցու միշտ հուզում է:
Շարունակությունն` այստեղ