ՄԱԿ-ի վեհաժողովում «Ուկրաինայի տարածքային ամբողջականություն» բանաձևի քվեարկության վերաբերյալ՝
Եթե Վլադիմիր Պուտինը որոշի․
1․ Որ նախկին Ալեքսանդրապոլ քաղաքը հիմնադրված է Ռուսաստանի կայսրության կողմից.
2․ Որ ներկա Գյումրի քաղաքի բնակիչների զգալի մասը ունեն Ռուսաստանի քաղաքացիություն և նրանց իրավունքները վտանգի տակ են։
Ուստի հանձնարարի․
1. 102 ռազմական բազայի հրամանատարին վերահսկողության տակ վերցնել Շիրակի մարզը.
2. Տեղական քրեական հեղինակություններից ինչ-որ մեկին նշանակել նորահռչակ Շիրակի հանրապետության վարչապետ.
3. Երկու շաբաթվա ընթացքում «Շիրակի Հանրապետությունում» անցկացնել Ռուսաստանին միանալու հանրաքվե։
Արդյունքում կարող ենք վստահ լինել, որ
1. ՄԱԿ-ի անդամ պետություններից առնվազը 100-ը հանդես կգան կոչով՝ անտեսել այդ «հանրաքվեի» արդյունքները.
2. Առնավազն 11 պետություն հանդես կգան այդ հանրաքվեի արդյունքների ճանաչման հայտարարությամբ:
Ես անձամբ համարելու եմ, որ նման կարգի քաղաքական գործընթաց իրենից ներկայացնում է ոչ թե ժողովրդի ինքնորոշում, այլ դրա իմիտացիա։ Բնական է, որ Ղրիմում տեղի ունեցածը որևէ կերպ չի առընչվում ԼՂՀ 1991թ․ սեպտեմբերի 2-ին հռչակման և 1992թ․ հունվարի 6-ին անկախության հայտարարման քաղաքական գործընթացի հետ։ Ավելին, համարում եմ, որ Սերժ Սարգսյանի՝ Ղրիմի հանրաքվեի վերաբերյալ քաղաքական դիրքորոշումը վտանգել է ԼՂՀ միջազգային ճանաչման գործընթացը։
